GOLDEN BRIDGE OF TRESE

 

    Unsa diay naa aning tulaya? Nganong duol kaayo nis akong dughan? Aha ni makita? Kaning tulaya diay makita ni sa purok 13 Poblacion. Kaning tulaya padung ni sa central or padung kas barangay, shortcut niya siya padung didto. Likod sa Cabrera hospital makita rana nimong tulaya. Sa una dri pa mi nagpuyo dugay na jud ning tulaya ni, sa una pa gyud ni mura na nig trademark sa purok 13 dri dapit sa amoa. Kani boundary ni sa purok 13 ug purok 11 kaning tulaya. Dri ga agi ang mga studyante sa central ug compre kay mas duol man ni agihon padung palengke. Mga taga purok 3 kay dri sad sila ga agi kung mamalengke sila para duol nalang. Kaning purok 13 plastar kini nga lugar paras akoa kay duol ra sa mga needs nimo. Pareha sa palengke duol ra kaayo gamayng baktas ra, labaw nas hospital nga perting duola. Duol sad kini sa Warehouse, duol sad kaayo kini sa central og sa compre dli na kalas og baon. Dugay najud ning tulaya ni, daghan nag kalamidad ang naagian ani pero naa japun siya labaw natung bagyong Pablo. Abi nakog maguba natu siya kay grabe kaayo tong bagyoha to kay ang mga balay namo dli na mahitsura. Tapos kusog kaayong baha, ang mga kahoy na nangaanod ni bara didto sa tulay abi nakog mag collapse ang tulay. Sa dihang, wala kini naguba bilib kaayo ko aning tulaya kay lig on kaayo. Sa una dri mi ga tambay labaw nag hapon kay ganahan man mi mag lantaw sa tubig sa sapa tapos magpaanod og paper boat magpalumbaanay mi. Naa ra mis tulay nga ga istorya² nya ga sayaw² og budots kay uso man kaayo na sa una. Naga tambay sad ang mga sukarap sauna sa tulay nganong naguba ang upper part ana kay pina frog style man ilang pag lingkog gud para ignon choy ba, actually semento na ang kanang handle bitaw sa tulay nya naguba naman maong gi lisdan og bakal kanang pipe. Pero sa base sa tulay hantod ron lig on gihapon. Diha mi ga panakop og butirod, pantat, halwan, ug daghan pa. Magdala mig pana sa una nya mag bahis² mis sapa nga murag mga hunters kuno, sige ra mig tambay sa ilalom sa tulay didto mi mag dula, mag istoryahanay, ug mag kinataw-anay. Kung pangitaon mis among ginikanan dri rami nila adtuon murag safe house namo ning tulay. Kanang mag ulan gani sa gabie, magsayu jud mig mata ana mga alas 6 pa lang naa nami didto kay para mag bahis sa tulay kay ganahan kaayo mis tubig kay limpyo nya bugnaw. Tapos maghulat ramig tawgon sa among ginikanan kung mamahaw na, paghuman og pamahaw balik nasad sa ilalom sa tulay nya magsabot unsa nasad nindot buhaton. 

    Daghan kaayo mig memories sa akong mga kababata dria sa tulay, mga kalingaw ug mga kabuang na among gibuhat. Duol kaayo ni sa akong dughan kay tungod kini ang naghatag sa akoa og kalipay sa una, kanang dli nimo kailangan og gadget or kwarta para malipay. Dri rami mu adto nya malipay nami kanang gamay ra imong kalipay pero genuine kaayo. Karun kung mu uli kog balay gikan skwelahan usahay mu agi ko dri mu flashback ang mga panghitabo sa una, gusto nimo mu balik sa una kana bitaw malingaw raka maglantaw sa tubig sa sapa. And I realized nga lipay kaayo diay mi sauna kaning golden moment kaayo siya, nya habang ga baktas ko sa tulay nya ga tan aw sa sapa kay makit an nako tong bata pa ko. Makita nako nga ga bahis² sa sapa na malipayon og way problema. Tapos na guol sad ko kay dako kaayong kabag-ohan sa tulay og sa sapa, polluted na ang sapa daghan nagbasura na nagkalat sa sapa. Dli na kini pareha sauna nga hapsay sa mata, unya karun kay daghan nag lumot og gamay nalang tubig sa sapa. Katung last year man basin to ang tubig sa sapa kay perti na ka gamay hapit na siya nahubsan abi nakog last kita nako to sa sapa. Unta hatagan kani og programa sa gobyerno na limpyohan ang mga sapa para ma experience sad sa uban bata ang among na experience. Unta ma preserve ang mga ingani na butang kay rare nalang jud ang mga tao na maka appreciate sa ingani na butang. Unta mahimo ning inspiration sa uban nga nindot na atung hatagan og importansya atung palibot sama sa sapa. Malipayon kaayo ko na ipagawas akong gibati bahin ani tungod isa kini sa akong gina treasure na lugar sa akong kinabuhi.